قعدة مصاطب ( فتاوي)/أيمن وهبة
كتبهاbshara2011 ، في 14 مايو 2011 الساعة: 05:45 ص
عشنا وشفنا
كلام موزون يعدل الدماغ
ذى ما يكون عايش فى العصور الجاهلية
الحلال بين
والحرام
طعمة حلو وهو الطريق الى تجميع الفلوس
عايز تجمع فلوس وتبقى مشهور
اشتغل فى محطة فضائية ولا قناة
وقول اى حاجة
مش مهم تبيع بلدك
ولا المهم انك تكون صادق مع نفسك ومع الناس الغلابة
اللى ماشيين وراك من غير ما يسالوا سؤال
ممكن النهاردة تقول كلام
وبعد ساعتين تقول انك كنت بتهزر
ما كنتش اقصد
معرفش انهم
ها يفهموة كدة
المهم تجمع الناس حواليك
وتحس انك
اسد
ولا غضنفر
ذى غزوة الصناديق
وما نبقاش رجالة
لو مهدمناش كنايسهم
والشتيمة للراجل الطيب
وان الكنايس مليانة سلاح
انا معاك وبضم صوتى لصوتك
الكنايس مليانة سلاح
و صواريخ ومدافع
ودة كلام بينى ما بينك
وسر اوعى تقول لحد علية
ودية صناعة بلدهم
سريعة المفعول
وشديدة الأنفجار
وبتسمع فى النافوخ على طول
وتعمل دوران
للى جسمة معندهوش مناعة
فى المنطق
وتخلية يهدا ويشعر باسترخاء
ويحس ان عنية مش شايفة
غير الحاجات الحلوة
تروح تقاطع الشر وتكرة الدم
والقتل اللى انت بتحبة ع طول
وانا عارف انك من الحالات الخاصة
يا قلبى عليك
فما تديهاش فرصة
واهرب منها انت وامثالك
علشان معندكش اسلحة مضادة
وكمان
وصل لعلمنا
ان معندكش اى اسلحة خالص
غير الكذب والحلفان ووووو
وعزة ة جلالة الله
واقسم بالله ووووو
انت مش نافع فى حاجة
——————
كلام شايفة ع القنوات والفضائيات
ومن زرع شر يحصد شر
ومن ربى اولادة
على كراهية الاخرين
سوف يعلم
ان الكراهية
تتحول الى الشخص نفسة
ثم الى الوطن
فعلموا الاولاد حب الله ومحبة
الوطن
ازرع بداخلهم المحبة
سوف تجنى صلاحا
لن اقول هذة المرة عجبى
ولكن يد الله تعمل
مع هولاء
ايمن وهبة
ليست هناك تعليقات:
إرسال تعليق