#ميزان_الحب
وامنيه بتتخبى
بين أحضانى
بين الصبح والامس
وساعات نهار ... اليأس منسيه
بنصحى ونفتح ببان حاجبه شعاع الشمس
من عينى
على جسدى
على القلب اللى جوا ضلوعى متخبى
انا انسان
لا فى يوم أؤمن بتعويذة ولا الهم ولا يأس يقتلنى
مشكلتى انا عايش فى دنيا وبعرفها
بحسابات امى وجدى وعمى
لا بحسابات دكتور بيخدعنى
ويبيع الوهم فى ازازة دواء
ولا حبتين برشام اصير راجل
انا راجل
بدون رتوش بدون مكياج بدون احلام
كل دنيتى الاقى الحب
لقلوب الناس يعود تانى
انسانى يا عمرى لو انت ها تخدعنى
وتولع وتمحي خطوط بلون ابيض
رسمتها زمان فى كراسى
انا انسان بدون رتوش عايش
لون ابراج الحظ من لونى
لكن عمرى ما لقيته بين ايدى
ولون عيون حبيبتى
هما اللى ... علمونى
علمونى الحب ووعدونى
ومن ليالى الهم والاحزان ... عدونى
خدونى بين الرمش ... وغطونى
لون السماء الصافيه
وينابيع عشقها
بين اهات الحلم
بين تغريد عصفور ... جوا القفص محبوس
وبين طير يرفرف بجناحه
يا حبيبتى فى الحلم انا
عشقت لون عيونك
بتتكحل ... وشايله الضحكه
وغارسه فى أرضى انا بسمه
راسمه الحب ... وأمنيه بتتهادى
طفله شقيه بتتمرد على هموم الدنيا
على قوانين بتحكمنا
تمشينا ... كما لو اننا فى سجن
بنتعذب ... وتترسب جوا القلب
ساعات ضلمه بتتخبى
وفى وريدنا منسيه
حبيبتى انا عايش لك ... وفارش لك
ضحكتى ... وبسمة عيونى علشانك
وبستنى الدنيا تسمعنى
احقق لك امنيه
حبيبتى ... لسه ... محتاج لك
تخاريف /ايمن وهبه
ليست هناك تعليقات:
إرسال تعليق