شيطان ومتجسد/أيمن وهبة
كتبهاbshara2011 ، في 18 مايو 2011 الساعة: 04:59 ص
شاعر الصعيد
أيمن وهبة
تسمح ياسيدنا
تسمع سؤال
من عيل صغير
هو انت اسمك فقيه
ولا قيم
ولا زعيم
ولا امير
مش كان زمان بيقولولك يامولانا
ياشيخ
يا حاج
وكان مقامك كبير
ليه غيرت اسمك وتوبك
وعملت نفسك للخير سفير
اقولك انت كده شاطر
خليك دايما قادر
قوم يابطل وسجل اسمك فى التاريخ
مش شوية بمب
او حبة صوارخ
قوم هد
واحرق وكسر
شتت عيلة
وفى كنيسة فجر
ولو حد سألك ليه
قول كنت بهــــــــــــــــزر
حقق انتصاراتك
غزواتك
على كل طريق
نجع حمادى
واسكندرية
اسيوط
اطفيح المنيا
والصناديق
واوعى تنسى تروح تعزى
وتقول خسارة دى حاجة تخزى
دا اللى مات كان حبيبنا
واعز صديق
قول الحق
وماتخافش من حد
واللى يخالفك
قوم عليه الحد
ادبح داوود
واقطع ودن مترى
خللى كله خايف
خللى كله يجرى
وقول قالبين الدير معسكر
والاباء ليل نهار بتسحر
واللى يمجد سيده
قول عليه جاى يبشر
واخطفلك منهم
بنت ولا اتنين
متع نفسك
متعة ومسيار
وملكات اليمين
واللى خايف
واللى مش عاجبه يسافر
امريكا وكندا
فاتحه ببانها
يلا غور وهاجر
خلينا نعمل فى بلادنا خليفة
نلبس زى واحد جلابية بيضا خفيفة
والست مكانها بيتها
ملهاش عندنا وظيفة
واطلع اخطب فى كل حى وكل شادر
وع المحبة
قول حديث
ولا ايتين
اذكر مواقف
ماشفنهاش من سنين
وان المسلم اخو المسيحى
وطنهم واحد
ولكل واحد دين
وقول اللى حرق
واللى سرق
صهاينة وامريكان
واللى قتل معتوه
عنده جنان
وقول بناتنا مخطوفين
وفى دير ولا كنيسة محبوسين
اسمع كلمة منى
حتى لو هاموت
عمر اللى يزرع شوك
مايجنى توت
ولو كسبت غزوة
مرة اكيد فى التانية خسران
دا اللى يكذب طول حياته
هتيجى مرة كدبه يبان
دا احنا بيكوا
ولا من غيركوا عايشين
هنموت على مبدأنا مسلمين
او حتى زى يسوعنا
فوق الصليب ميتين
ملكوت وجنة
ربنا لينا
وانتو ا
لا يوم ها نقول انكم اهالينا
مش بشر
والمحبة
جوة قلوبكم
متلاقيش
أيمن وهبة
AFW
ليست هناك تعليقات:
إرسال تعليق