عطـش المحبة/أيمن وهبة
كتبهاbshara2011 ، في 5 يونيو 2011 الساعة: 14:23 م
عطش المحبة
لحضن دافى محتاجين
للمحبة عطشانين
زمان وفات من سنين
كلمة وداع
يوم كنت اصحى
فى الفجر اضحك
وصدي صوتى يهز السكات
كنت بجري
أعافر
يسندونى
يدونى قوة
يمسكونى
أعدي اواصل
أطوي فرحتى
جـــــــــــــــــــــــــوة قلبى
جوة كيانى
بالعيد لما يهل
وألملم فرحتى
فى احضانى
زمــــــــــــــــــــــــــــان
لما سلم
ومشى من سكات
حسيت ساعتها أن عمرى
عدى
جوة زحمة الايام
وفات
زمــــــــــــــــــــــان
ياأمى
كنت بتدفى
أفرش حرامى(مفرش)
فوق أرضك وانام
وعينيك صاحية
بتحمينى
مسكانى فى ايدها
من الزحمة تعدينى
لبر يمكن فيه الاقى الدفى
لبر الامان
تودينى
والاقى فى الموج
ايد تحرسنى وتحمينى
زمان ياأمى
كنت بتدفى
فى أوصالى
طير نايم فى عشة
بيحلم ببكرة
ع الببان
واقف ومادد ايدية
يعدينى
جوة مشاعر مليانة بالامل
زمــــــــــــــــــان
ياأمى
ع المحبة والواصل
من غير فصال
أو ملاوعة
الاقى السكات
مالى جبينك
مغطينى
يرسم ايدين
عش جواة اوراق الشجر
فية فرخ نايم حزين
ودمعته
نازلة تبكى السنين
زمـــــــــــــــــــــــان
لما العمر عدى
وقلت
لها بقية
شاعر الصعيد ايمن وهبة
ليست هناك تعليقات:
إرسال تعليق