نهر عطشان/شاعر الصعيد أيمن وهبةafw
كتبهاbshara2011 ، في 1 مايو 2011 الساعة: 14:47 م
شاعر الصعيد
أيمن وهبة
نهر جواية عطشان للمسيح
للسما
للمديح
الصليب رنم
بكى
أم وهى حزينة
بتتألم
من حربة قاسية
جوة الضلوع
أشواك
مغروسة فى ابنها
والدم سال
روى أرض عطشانة
للمحبة
وقلب أم ينزف
على ابنها
يرتعش
من الخوف
يبكى
يئن
من ألم جوة الضلوع
—
وانت بطرس
لما انكر
ولا يهوذا لما
خان
ولا
يعنى كنت قريّب
ولا بعته بفضة
وقلت
معرفتهوش
مسمعتش المسمار وهو
بيئن
جاوبنى وقولى
يمكن
بدمه تعيش
بس
مقدرتش
تمد ظهرك وتشيل عنة الألم
اه
من جلدة
تقطع فى الضلوع
وصوت دقات قلبه
مسموع
انت سامع
ولا يعنى زى مرثا
متساويش
اتهزت الأرض
وهى حزينة
ع اللى
بيتصلب
ع اللى
شال عنى وعنك
عار الخطية
ألم مغروس
جوة كل نقطة
دم
جوة حياة جديدة
جوة أم
قبر وفاتح دراعه
يفتكر انه
مات
وانهزم
وسلم حياته
وفات
الصليب قوة لينا
والتخلص من الخطية
والموت
حياة
وهو لينا
طوق النجاة
قدرنا نعبر للحياة
بالمسيح
كانت نجاة
الكفن
بيتكلم ومش مصدق
اللى كان
اله ويتصلب ؟؟؟
مش مصدق !!!
انه يموت
وازاى
مسمار فى جسمه
يئن
نهر عطشان للمحبة
قلب أم
—
القبر والتراب
كانوا حقيقة
ولا سراب
ولا يمّكن
مش مصدق
زى شوك
ولا حربة ومسامير
وتوما
لما شاف كل
حاجة
هى الحقيقة
الهى جانى
من السما
عشانى
وبموتة كسر كل شىء
يفصلنى
عن
ايدية
صليب +موت=حياة
—
شاعر الصعيد
أيمن وهبة
afw
ليست هناك تعليقات:
إرسال تعليق