مذكرات خروف / أيمن وهبة
كتبهاbshara2011 ، في 25 أكتوبر 2012 الساعة: 13:14 م
أيمن وهبة
مذكرات خروف
|
Afw
+
بيمأمأ ويبرق وعلينا يثور
أيام بتدور
واقف مستنى الدور
بيسنوا السكين
فاطرين وكمان صايمين
و
ناس مش لاقيه القوت
ناس بتموت
؟
خروف مستنى الدور
عتمه ونور
أرض
كانت خضرا صِبحت بور
خروف واقف فى ميدان التحرير
بيثور
!
؟
يطلب طلبات
حقوق أولاده — أحفاده — طلبات العيله المحترمه
واقف بيثور
!
مستنى الدور
بيمأمأ ويبرق
بس مفيش فى إيده سلاح
غير واحد واقف — واحد دباح
بيهدر دمه ولاّ بيهمه
خروف بيثور عايز حقه فى الدستور
؟
!
و
يشوف النور
أرض … وبور
مش ها يغور
ولاّ ها يدور ولاّ ها يسلم ولاّ راح من تانى يبلم
ولاّ يتألم
مش هايسلم
يشرب ميه بيور يلبس ياكل ياخد حقه
ولا حد يهين لكرامته ولاّ حدّ فوق راسه
يدقه
ولاّ ها يهمه
خروف فى التحرير
بيمأمأ ويثور
بيدور ويدّور على فجر ونور
على بيت يجمعنا بكلام له معنى
و
ما تقولش إشمعنى
حرب البنى أدمين
بيصفوا عالمنا
وبيرموا علمنا
ويدوسوا عليه
خلصنا كلامنا
واقفين نستنى الدور
فجر ونور
ويوم بيشأشأ
عيد
وصلاة العيد وشوية بمب
ناس مش لاقيه القوت
واخده جنب
وناس
شبعانه من كل صنوف الأكل
شبعانه إهانه
وضرب
وفرح إتحول كرب
ناس مش لاقيه القوت
أيام بتفوت عبايه وزعبوط
وعليهم جلبيه
م الشمس ومن أيامنا مهريه
أخوان وجهاد
مسلم ومسيحى
وال سلفيه
مزكرات خروف مش هفيه
!
أولاد أدم
ولاد تسعه فى الخير الرب
قال تسعى
كله للخير
جامع … وكنيسه … والدير
ورده أقدمها
أجنيها
ويسيل من إيدى الدم — من غير شوك — بمحبه من قلب
يلم
أولاد أدم
اخوات فى البشريه
كلنا لابسين
جلبيه
ونصلى صلاة العيد
لإله يسمع كل البشريه
واحد
؟
ديان عادل
وبيسمعنا
وبيجمعنا جوا حدود الأرض
جوا حدود الكون
أنت وانا
او
مهما نكون
الهنا للخير … بيصون
بنصلى صلاة العيد لما الحب … جوانا يزيد
ونسامح ونحب
و
البشريه
لها نفس الرب
لا نهين ولا حتى نسب
الهى واحد
!
مش جاحد … ديان عادل كامل
وكمان … بيسامح
؟
لما نصلى
بقلوب مليانه خير مليانه حب
أولاد أدم
ولاد تسعه فى الخير الرب
قال تسعى
بنصلى صلاة العيد و الحب جوانا يزيد
+
دا كلام البنى أدمين
طب ليه يسفك دمى
وولادى قدام
امى
؟
مزكرات خروف بيقدم نفسه هديه
لفدا البشريه
+++
أيمن وهبة
Afw
ليست هناك تعليقات:
إرسال تعليق