عقد وخرزه ودلايه / أيمن وهبة
كتبهاbshara2011 ، في 30 أغسطس 2012 الساعة: 15:55 م
أيمن وهبة
Afw
+
عقد وخرزه ودلايه
+++
عُقد وفيه حبات
حبه بلون وحبه بلون
خرزه ودلايه
حرف وفيها حروف
فيها الوف
واقفه صفوف
حرف منقوش بيقول
لِنا
حاجات
عُقد وفيه حبات
ضمير مات
لون باهت جوا عنينا
مرشوش
عُقد وفيه حبات خرزه وخرزه بلون
سبع وريشه منفوش
الكل فيه مغشوش
سِبحه وعُقد وعَقد
وشوية ميه
أرض عفيه
بتزرع ورد وشوك
بس مفيش
لقمه فى إيدنا ولا بقشيش
تموت وتعيش وفى إيدك سبحه
أخلاقك مش سامحه
تتعب وتصحى ضميرك
لولادك ولغيرك
أصله مفيش
!!!
جبنه وعيش
ومعاهم عُقد
فى رقابنا متعلق
متزوقّ …متروقّ
الشمس عنّا بتغيب وتعوقّ
بس مفيش
تموت وتعيش
ضميرك متخدر … يرجع للدنيا يعيش
فارس بيعلى سلاحه…وحيد …ومحدش حاسس بجراحه
عُقد وفيه حبات
ضمير مات
عدى علينا وسلم …فات
خرزه بلون باهت
جوا العُقد …جوا السِبحه
و
النيه مش سامحه
ومهما نزُق ونعرق …وشوش بألوان كالحه
ماسكه بإيدنا …وساعدها بساعدنا
ضِعنا ورجعنا
نلملم
من تانى
فى تاريخنا
عُقد وحبة بركه
مصالح مشتركه
لما ندوس أجدادنا
نغطيها ونكفنها
نقول للناس
ماتت
أيام فاتت
جهل وشِرك وكُفر
نرجع من تحت الصِفر
نسمع ونردد
وحياتنا نبدد
والغالى فى حياتنا نعدد
عُقد وفيه حبات
حبه بلون
فيها تشوف الكون
صوره مرسومه
بقلم شفاف
و
غنوه للست عفاف
بتقول محروسه
كتكوت او بوحه
نتزين ونحط الريحه
الناس يشوفونا ملايكه
أسلاك شايكه
وقنابل وبارود
وبقعة دم
فوق الفم
دنيا تلم
ضمير متخدر …نايم …على الشوك عايم
او متكفّن
فى تراب متعفن
سبع وريشه منفوش
جاى ورايح مغشوش
منكوش
والإنسان جواه مافيهوش
تاخد وتحوش
أقلام فنان راسم صوره
عُقد وحبه وخرزه ودلايه
أيمن وهبة
ليست هناك تعليقات:
إرسال تعليق