دنيا وسية /أيمن وهبة
كتبهاbshara2011 ، في 15 يونيو 2012 الساعة: 14:07 م
أيمن وهبة
Afw
+++
دنيا وسية
+++
والحُر فيكى عبيد
ليه مش فالحة غير فى اللطم والتصويت
؟؟؟
!!!
(زقيتى )
سقيتى ولادك الذل والعبوديه
من بطون أمهم مولودين
يبوسوالقدم وكمان الإيد
!!!
مين فيكى راح يعيش
لو مفيش
غيرك إنت وطن
للذل والعبوديه
وكمان تقسّيمنا أسياد
ويا عبيد
والهيمنه على أنفاس ولادك
سيــِــــــــــــد وسيـــِـــــــــــــد
فى وش
الغش والتهبيش
وناس مش لاقيه رغيف العيش
+++
دنيا وسيه … عفيه… تدينا ع القفى… وتطحن عضمنا
فى وابور داير علينا
بيلف بينا
ويهضم اللى باقى فينا
على الكيف
وسيف قاطع رقابنا
بيشهروه
ويخوفونا
بيموتونا من سكات
عمر فات
يا وطن
!
شجاعة وطيش شباب متربى ع الجُبن
واللى يرفع راسه
يبقى مات
+++
دنيا وسيه
مفيش غير كلمه فى بؤها
هات وهات
+++
لو بوس القدم راح يفيد والحب بين قلوب البشر
نلقاه يزيد
واللى عايز يعيش واللى يريد
بس القانون إتقلب
و
اللى ماله أصل بيغنى علينا
وكل يوم بيعلى يزيد
بالسيف
ولعبة الكلمات والزيف
صعبان علىّ
يا
وطن
!
من الكيف
الست بقيت مراه وكمان وليّه
لهِا مقام رخيص عليك
لكن غالى علىّ
لِك كِيف
!
يشبع بهايم
والقيمه فى العيون
رخيصه ولها هيصه
ونحبس بيها كيف
كيف و كيف
؟؟؟
وسيف رخيص…خسيس
نبيعه ونشتريه
ونلاقيه
لما نريده فى أحضان مرميه
+++
يا دنيا وسيه
عفيه
راجل ولاّ وليهّ
بتقتل وتعمل فيها ســــــــيد
؟؟؟
!!!
يا دنيا دلعك باخ
زرعتى شوك ومر
مروى
ب
دم الولاد
وسماد
بلدى ويا السباخ
طرحت غصونك سنابل
فتيلها مزروع ف كل دار
اولها عسل وشهد
واخرها ذل ومرار
وبعد اللى شبع من شهوته ورُمته وهمتُه
فجأه داخ
الذل فيكِ باخ
يا دنيا حُرمة عايزه تتلم
عاملالى ليدى وعامله لى ام
يا دنيا حالك يغم
ممكن أهاجر
؟؟؟
ولاّ تقولى علىّ فاجر
ما في شىء فى الدنيا راح يهم
عروقك فيها مية مجارى
ولاّ
فيها دم
؟؟؟
سمّ والهموم فينا عاده بحليب ولاّ ساده
لحاف ولاّ وساده
يومين
وتنتهى
+++
أيمن وهبة
Afw
ليست هناك تعليقات:
إرسال تعليق