طين مخلوق وبيعاند

كتبهاbshara2011 ، في 3 مايو 2012 الساعة: 23:18 م

أيمن وهبة 

Afw

—

طين عمره يومين 

بيعاند ويا موج ويتشكل 

صافى جديد يتلون بألوان ويتشكل

يكتب سطور كل أمر

م

الأمور 

ثوب أبيض قدام عنينا

إسود بلون الليل يتلون ويتشكل 

مالى القلوب وبالسهام

بيرمينا 

طين مخلوق بيعاند ويتشكل

يوم يقول الكلام 

يمد يده بالسلام ويزيد فى جرح أخوه 

الآلام 

نار جوا داره

يهلل لما جاره يغرق فى عاره 

يقول كلام ذى السهام 

تنغرس 

ولجسم أمه يفترس 

يفرش حِرام فوق القبور ويصلى ويمد يده بالمنايا

يكدب ينافق يوافق فى المصالح 

نرفض ونقبل نسمع نشوف 

وحجاره وسور تحجب ع البشر كل نور

نتدفى جوا كور

— 

طين عمره يومين 

كرامه وراس بتتعالى 

مرشد كمان فيه الأمان 

عملة ورق وفضه 

ليها وشوش ليها رتوش

بارود متعبى فى كلام

وسيف وبندقيه فى إيد ثوار عفيه 

يدوب خرطوش تضرب عيالنا 

لكن فاشوش 

وشوش كدابه بتسحر 

تعيش فى البرك جوا غابه

خراب كلام كدب وسراب 

كلام زين عمره يدوب يومين

شمس الحقايق

جايه قوام 

والأفاعى لها الغرام

بتتلون 

خير مدفون تحت التراب والمصالح

والنفس لو فى يوم تتصالح

لون يبان ولون كالح

من إيد أمى 

لوتسامح

لقمه بالحضن تضمنى وم المتاعب يهمك ويهمنى

— 

طين عمره ساعات

فى أرض بور لو تثور أرضىى

وتدور 

والمصالح منّا تّغور 

كنا نرسم صوره جديده

سطر يتسابق وفيها ريجه

موج ع الشطوط يتكّسر وفيها يبوس الهامات 

طول اليوم والساعات 

— 

طين …حجاره …ودنيا غداره 

صيد ثمين بشباك وسناره 

دينارات… وريالات … وشوية كساره

ناى حزين بيغنى أغانى 

يبكى أمى ع القيثاره

طين … عجين فارس هجين 

يبيع التاريخ يغرس فى قلب أمه سكين

ولا يهمه مهما صابها من أنين

طين …عجين

مالى مكانه

رخيص… ثمين

مخلوق يعاند ولكل ظالم وناكر جميل 

أم الولاد يساند 

صح وبيعاند

—

أيمن وهبة 

Afw