لسة بعافر

كتبهاbshara2011 ، في 6 أبريل 2012 الساعة: 16:46 م

أيمن وهبة

Afw
—
ما تبصليش أنى غبى

 
ما تقولش انى جبان

 
انا زيك مهما حصلى

انا إنسان 

فى التحرير لسه واقف وكمان بعافر 

شايل همومى

ف 

صحوى ونومى 

وابنى الصغيّر 

شايل سلاح 

قلبه فى إيده ولا يهمه

 
قبل ما يطلع 

ودع ابوه وودع مراته وامه 

ولا يهمه 

—
ما تبصليش انى غبى او جبان

 
أنا إنسان

 
مهما تلزق ومهما تحزق ومهما تتوه وتتخبط 

لسه على با ب الإله

 
لسه بخبط 

عندى امل 

فى الله وفى العمل

 
لسه بخبط على الاله

 
وانت بتتخبط 

تكسب وتهبر 

وتبيع البلاد والجهل وياك ساد

 
تكسب حرام 

تهبر م الغلابه

 
ومسيرك ها تتظبط 

عجبى 

—

أيمن وهبة