فيلم هندى

فيلم هندى / أيمن وهبة

كتبهاbshara2011 ، في 27 فبراير 2012 الساعة: 21:01 م

  

شاعر الصعيد
أيمن وهبة 
Afw
—حياتنا فيلم هندى 
ولاّ جندى حامل سلاح 
حى ع العمل 
حى ع الفلاح 
حياتنا قصه وحدوته 
عم عنبر 
وستوته 
ماسكين دفة المراكب 
ومفيش نوته
ولا خرايط والرسم زايط
حدوته فيها مآسى فيها دموع 
فيها النهايه مكتوبه بخط عريض
واللعبه مكشوفه 
—حياتنا لعبه ويا تجارب 
قوم يلا نحارب
بسيف ويا حصان عربى أصيل 
تعالى نحارب 
مين مهزوم 
؟
ومين غالب 
؟
ديابه وتعالب 
الخساره مقسومه اتنين 
مات شهيد 
ولاّ الفين 
والتاريخ عدى الفين 
راس مرميه 
وايد 
وهناك عنين 
اه 
م
السنين 
والانين 
—حياتنا قصه هندى 
مكتوبه بيد ابويه ويد أمى 
و الفتاوى 
لكل غاوى 
والكل عامل فقيه 
وآمر وناهى 
والكل 
يا غلبى صاحى 
متغيبين 
!!!؟؟؟
—حياتنا قصه هندى 
فيها نهايات 
فيها نضيع م العمر ساعات 
المآسى وجهل سايد ع البشر 
نسمع كلام 
ان الحمام هاجر
أرضنا 
وعرضنا 
هتكه حلال 
والكمال وجه الإله 
الكل 
لاه
مآسى قدام عنينا 
والظلم ماشى بسيفه 
راكب فوق كتافنا 
بكيفه 
وغصب ع اللى جابنا 
مذلولين 
قال 
كلمه متّنزله 
و
بتخوف 
محمد ولاّ موسى ولاّ يسوع
مفيش دموع 
—حياتنا لعبه والنهايه بيكتبوها 
بدم ابنى وعرض اختى 
اللى باعوها 
فى سوق النخاسه 
والنجاسه 
والدعاره 
كدابين 
باسم دين 
ربى برىء 
وبشرع مين 
؟؟؟
!!!
—شاعر الصعيد 
أيمن وهبة 
afw