شعور سخيف

شعور سخيف /أيمن وهبة

كتبهاbshara2011 ، في 12 يناير 2012 الساعة: 16:24 م

شاعر الصعيد
أيمن وهبة
afw  

شعور سخيف
تبقى جوة دارك ..
ضيف
أرضى تبقى ملكك ..
وما فيش لقمه 
أو
رغيف
تمشى جنب حيط
جوا حيط
وتعلى صوتك لربك
وتقول ياريت 
قدام البشر
من غير هيصه ولا زيطه 
والفرحه 
فوق شفايفك ذى نار
ذى سوط
مهزوم جبان ضعيف
؟؟؟
!!! و
الظلم بعينيك تشوف
ولجل
ماتعيش لازماً تعمل
كفيف وتعيش قدام البشر عفيف
تكدب تنافق وكمان توافق 
بكلام سخيف 
تقتل أخوك بكلامك
او سكوتك
و 
تعمل فيها شريف
شعور سخيف
  

فوق رقابنا ذى سيف 
كلب بيموت م الجوع 
و
أنيابه
تأكل عيالنا 
قدام عنينا عامل 
اليف 
 

شعور سخيف لما الربيع يبقى صيف 
والشتا يتحول ويدبل 
والورق والأغصان
تنشف وأشجارنا
تتعرى 
فى الخريف 
شعور سخيف لما نأخد حق الولاد 
وميراثهم 
بدم
ولا ّ 
سيف 
أعمى ولو تشوف 
شعور سخيف
لو
نفسك تعوف
أفعال لخوات فى الوطن 
جوا قلوب البشر وعقولنا 
ما ترضاهوش 
لو فينا ضمير بعد موت رجعت حياته
لجل ما يعيش 
شعور سخيف للى يحِسّ
ويتكلم كلام وبسّ 
يقول الحقايق
ولاّ يدس (يخبأ)
يمشى يخبط ويتنطط فى الضلمه
يعس 
ويخبص ع الجيران 
بنى أدم وكرامته إتبهدلت
وأصبح ذى القطط لما تصيد 
الفران (الفئران)
 

شعور سخيف شعور جبان
لو يبان 
قدام عنينا ذى زمان
لما كان بيجرى م المواجهه
وقلبه ما يعرفش فرحه غير ظلم ويا خسه 
ويضرب ف ضهر البشر
  

شعور جبان لو يبان 
وينام 
ويلبس توب الحب والرحمه ويتلون ذى حملان 
شعور مالى حياتنا 
اللى معانا واللى فاتنا 
عشنا ولا 
موتنا 
شعور جبان
 

شاعر الصعيد
أيمن وهبة 
afw