ملاك بين القبور

ملاك بين القبور….. بـقلم (أيمن وهبة)

كتبهاbshara2011 ، في 25 يناير 2012 الساعة: 17:39 م

فقد أحد أقاربى ملاك عمره 3 سنوات فى ليلة العيد 6/1/2012 وكم المنى هذا المنظر 
مقابر وبكاء والم ولم يقوى أحد على ان يمسك نفسه من البكاء 
بيبو 
باترك
   
شاعر الصعيد
أيمن وهبة 

Afw
   
بين القبور 
ملاك لسه صغيّر 
ع وحدته 
بين الرمال 
فوق 
عرش موت جبان 
خطف الصبى من بين إيدين الأم
و
بعينى شايف 
ام 
فيها الألم 
وسط الدموع بتقول 
يارب
فى التراب أرميه 
وأسيبه فى اليم 
بأعتب عتاب الأم 
وادى موت يسرق ولادنا 
يسرق فرحه 
من قلوبنا 
من حضن أم
   
مأسور وقلبى صبح مكسور 
لما ابنى رميته جوا سور 
جوا أحضان غير أحضانى 
وكمان بيملانى 
بس صوت الهى عزانى 
وقالى 
لابنى ما تخافشى 
ان نسيت كل البشر اولادها انا ما أنساكشى
   
بقول يار ب
بردان ومتعرى 
بيقول يا امى 
أشرب 
ونفسى العب 
وتجبيلى هديه 
صوت أجراس الكنايس 
فى عيد الميلاد 
الحب والمحبه 
والدفا جوا قلوب البشر غطى وزاد 
ساد 
وفاز فى النهايه 
الشمعه 
لما تنور 
بتغلب فى النهايه 
مهما زاد البر د 
ياأما ما تزعليش 
غير الهى ماليش 
حضنك انت قلبك أنت 
ويا ابويه 
ويا ما حاولتُ ترسموا فوق شفايفى 
ضحكه ويا بسمه 
بتهمسونى 
بس ياأما ما تزعليش 
انا ياأما فى السما 
ويا الهى 
بأعيش 
فى حضن ابويا اللى
ما بينسانيش 
من قبل ما اجى للدنيا 
أو أعيش 
م السما للأرض 
بالطول والعرض 
بلاقى صوت بيرد 
ويقولى
يا أبنى ما تخافشى 
أنا وياك
ان نسيت الأم الرضيع 
ما بينسانيش 
جوا سمايا تعالى عيش 

   
شاعر الصعيد
أيمن وهبة 

Afw