العيدية/بجد ومش هزار
كتبهاbshara2011 ، في 3 نوفمبر 2011 الساعة: 17:01 م
شاعر الصعيد
أيمن وهبة
afw
—
بجد ومش هزار
ولا نفاق ولا كلمه طالعه من شفايف
ولا قلب خايف
م الدمار
جاى أعيد أمد أيدى بالسلام
مبروك عليكم
ضحكة ولادكم جوا
داركم
مبروك يا حاج مبروك يا حاجه
مبروك عليكم بالسلامه
—
بجد ومش هزار
ولا غصب عنى
بأقول
يا أخويه فى الإنسانيه
حمدالله ع السلامه
م
الأرض الغريبه
لقلبك قريبه
والحبيب وصاك وصيه
حِمل
أخوك ترميه عليه
فى الأنسانيه
حب سامح ومد إيدك
أحضن أخوك
وما تأساش (تقساش)
عليـــّه
—
بجد ومش هزار
ولا نفاق فى الكلام
بقول سلام
و
فرحتك جوه قلبى فرحه كبيره
لو
تشارك
وتمد إيدك
نعدى الصعاب
ونزيح سوا الغيوم والضباب
ويبقى قلبى ويا قلبك
ويا قلوب كل البشر
والكون
ها يعمر
والسلام على الأرض زاد
من عيون كارهه الإنسانيه
والجهل جوا عيونهم غطى وساد
—
بجد ومش هزار
ولا
كلام غصب عنى
حمدالله
ع السلامه
م
الأرض الغريبه
واللى على قلبك حبيبه
يا
أخويه يا صاحبى
يا
أبن عمى فى الأنسانيه
—
أرضنا بجد واحده
والألم جواك بيوجع جوه قلبى
وفرحتك بأيدى ها أقيد شموعها
و
فرحتك
نقسمها بينــّا
والله محبه للبشر جوا قلوبنا
بجد ومش هزار
—
شركه
فيها ساهم
لازم
تبقى فاهم
بينى وبينك بنعبد اله
أنا وانت فى سماه
للدنيا حاكم
بجد ومش هزار
واحد ملوش حد يشاركه وده مش جديد
ولا طوق ملفوف م الحديد
جوه راسنا
ولا يعنى ملناش اله ؟
يا صاحبى يا أخويه حمدالله ع السلامه
بجد ومش هزار
مسلم ولا مسيحى
أسود وأبيض
بيضلل علينا
رب واحد
جوه حلم يعدى وبنعيشه كمان
أقبل سلامى وأقبل تحيه
من أخوك فى الأنسانيه
بجد
ومش هزار
—
شاعر الصعيد
أيمن وهبة
afw
كل عام وكل البشر بخير وبسلام
وبأمان من الخطر
ليست هناك تعليقات:
إرسال تعليق