الجهل/أيمن وهبة
كتبهاbshara2011 ، في 29 أغسطس 2011 الساعة: 06:40 ص
شاعر الصعيد
أيمن وهبة
Afw
—
الجهل
فارس راكب حصان
ماسك سلاحه
واقف ع الببان
رايح وجاي
فارد وعامل
علينا واصى
اخر تمام
وساعات
متدلى م الشرفه
يوسوس للجيران
— —
الجهل فى حياتنا
لساته
مخّوفنا وهو جبان
لا يقدر يواصل
ولا ليه فى النزال
جوا ناس ونايم
فارش وراسم
ومتربع كمان
رامى شباكه
وبخيوطة
مكبّل حنكنا
عايز الأمان
و
عجلاته بتدهس
لا تعرف الرحمة
ولا
يوم معاه
حسيّنا الأمان
علينا
فارس وهو جبان
حطين
بايدينا حجاره فوق
قلوبنا
وجوه عقولنا
وبندارى غلطنا
ونقول تمام
سحبانا
قى تيار بنغرق
ولسه نكابر ونقول
كنا وكان
تاريخ ولمّه
وضمّه
جوه جحر تعبان
عايزين الامان
كل همّنا ناكل ونشرب
ونتغزل فى
واحده
تتوه
المعانى
فى وسط الكلام
وكان اللى كان
— —
فارس وذكريات
وفتايح(معارك)
واشعار غنوها
ورسموا
مّنه صوره تخّوف
بس جبان
عنين خداعين
بتتربص
للفريسه
وسكينه يغرسها
ونهايه الروايه
فوق كتافهم يحملوه
وفى محرابهم
يعبدوه
وهو جبان
شاعر الصعيد
أيمن وهبة
afw
ليست هناك تعليقات:
إرسال تعليق