ما تزيدوش الصفحه سواد/أيمن وهبة شاعر الصعيد afw
كتبهاbshara2011 ، في 7 يوليو 2011 الساعة: 06:01 ص
شاعر الصعيد
أيمن وهبة
Afw
– —-
بلاش السواد
ما تزيدوش الصفحه
ســــــــــــــــــــــــواد
ده الجــــهل
من
جواكـــــــوا
زاد
لما الحرام
بتحللوه
والمحبه والسلام
بتقللوه
لما
نور الشمس
تاه
فى الصحاري
وبيت عيالى
رمونى منه
وم بقاش داري
— — — —
ما تزيدوش الصفحه سواد
الكل
مش عارف يدارى
أو يقول
إن الطــــــــــريق
هو السكات
غريق
فى بحر الخراب
والدم م القتل
م اللى يوصل
للشطوط
والحدود
والكفر والفتاوى
ولكل
هــــــاوى
ولا
غـــــــــــــــاوى
يكتب روشته
لأم الولاد
أصبح طريق
حل
لازم ولازم
— — — —
ما تزيدوش الصفحه سواد
لما ابن
يتجوز اخته
واب نزواته
تزيد
يا بخت الأخرس
والكفيف
لما يعيش
عفيف
وأطرش الزفه
لما يلف
فى
كل دار
تبقى نار
تقيد
وتحرق
من زمان
اللـــــــــى كـــــــــــان
تبدأ
والنهايه تنكتب
ونصدق ونحلف
إن احنا
ميه ميه
من
زمان
والحكايه
جـــــــوه التـــــــاريخ
لكــــل كلـــــمه
وكـــــــل
آيه
مش مصدق
م البدايه
أي شى
كان
جن ويا حكاياته
ونمله
تيجى فى البدايه
وحكايات
ويا
حكـــــــايـــــــات
صمت
ويا سكات
أوعى تقول إنك بتفهم
ولا تسأل
كل شىء
من حقى نفهم
أوعى تقول ولا تقول
اى حاجه
ل حسن ها نزعل
أوعى تسال
أو تحاول تقرب
من كل
الحاجات
هات وهات
خدها
وكلها
وأوعى تقول
أو
تسال سؤال
تلاقى
العقل ضلم
والدماغ
فجــــــــأه تبـــــــلم
يقفل يتربس
ذى
قفــــــل
ماليه التراب
من زمان
يبقى سراب
بيت
ماليه الخراب
— — — —
ما تزيدوش الصفحه سواد
بالفتاوي والمصاطب
والمصايب
اللى حلت
من زمان
تدوا الأوامر
والكل آمر
أوعى تسال سؤال
هى كده
وإن كان عاجبكم
شمعه إنطفت
والملامح
بين إيديه
إختفت
وبقيت أخبط
ف الحيطان
أعمى
ومش لاقى الببان
— — — —
ما تزيدوش الصفحه سواد
سوده م البداي
ومش ناقصه
نحرق صورنا
تانى
جوه البلاد
مزاد
ع اللى يدفع
والجهل ساد
واحنا
ذى ما احنا
من زمان
الأنين
هو صوتنا
احنا متنا
ولبسنا
توب الحداد
لما الجهل زاد
بلاش تزيدوا الصفحه سواد
وسيبوا ام الولاد
تعالج جروحها
تداوى روحها
وتنهى الرقاد
—
شاعر الصعيد
أيمن وهبة
Afw
ليست هناك تعليقات:
إرسال تعليق