لا عزاء

كتبهاbshara2011 ، في 23 أبريل 2012 الساعة: 15:17 م

أيمن وهبة 

afw

لا عزاء 

فى ليل ضعفان مرمى على الطرقات 

ومهما وزعوا فى ذكراه أزايز الشربات 

تصحى تبات 

فوضى وصدور عاريات 

ومجارى تجرى فيها 

تبول تقول مش كفايه هات وهات 

لا عزاء 

لإطلاق العنان والشهوات 

وما فيش عند اللى باع شرف 

وباع بلاده بشوية الريالات 

ولا حتى اوضه فى السطوح 

والكل باصص عليهم وهم غرقانين 

فى جهل وسبات 

والضمير من سنين 

تحت انقاض ماضى مات

لا عزاء على القيثاره 

والأرغونات 

والكمنجه 

وناى حزين مرمى على الطرقات 

الكل عليه داس 

وفات 

لا عزاء للى بيمسح ويغسل 

بس قلبه مليان 

طافح وريحته 

كبانيهات 

لا عزاء