عجبى ع البشر /أيمن وهبة afw
كتبهاbshara2011 ، في 22 يوليو 2011 الساعة: 07:08 ص
شاعر الصعيد
أيمن وهبة
Afw
— —
عجبى
من زمان
فيه الأخ
يقتل أخوه
والأم
تبيع ولادها
من غير تمن
عجبى
لما أأقرب الناس
باعونى
من غير كلمه
تداوينى
عجبى
من
اتنين كانوا
ع المحبه والعهود
سوا
متعاهدين
خلطه متجمعه
ع البشر متوزعه
وقلوب
مضروبه بسكين
والجروح
تنزف
من كل ناحيه
من سنين
مسكين ياد الواد
فى الزمان
اللى باعنا
من غير تمن
لما الولاد اتفرقوا
فى الحياه
لما السعاده
والمحبه والدفى
ماض انطفى
من قلوب البشر
اتفرقوا
فى طريق
وتاهوا
من سنين
عجبى
—
صح ولا
انا تايه
جوه متاهه
فى درب
الحياه
موجّها بيرمينا
ع الصخور يجّرح
كل شىء فينا
بيقسمنا
والدنيا تقسّمنا
والنسيم
صار برد وشقى
بيكوينا
— —
صح
ولا انا تايه
جوه متاهه
ملهاش بدايه
والنهايه متفرّقه
صح
ولا انا مرسوم
ومتشكل
والكل بيشكك
فى الضمير
اللى شارد
فارد جناحه
للى
راحوا
من سنين
— —
خلطه متجمعه
ع البشر متفرقين
والجناح داب
ذى الجليد
وليد
وسارح فى العروق
كرهّ وخيانه
والأمّانه
سلمت كل الورق
السعاده والتفاهم والمحبه والدفى
غابوا
سا فروا
خلاص
مبقاش غير الذكريات
جوه القلوب
جوه النفوس
عايزه تدوس
كل اللى كان
و
النسيم
أصبح
برد وسيل
يسحبنا فوق صخور
ويرمينا
والأمانى متشعلقه
فى أحضان
الخيانه والضباب
اللى
بيملا طريق البشر
زاد
إنتحر
— —
بيشطب كلمتين
م السطور
حب ناس
متفرقين
والبشر متوزعين
والدفى
جوه القلوب
لما
كانوا مرسومين
طيبين
وحنينين
ماليهم من سنين
برد وأنين
عجبى
من كل شىء
فى البشر
تزرع
طيبه فى القلوب
تجنى لهيب وعيبه
وعجبى
— —
شاعر الصعيد
أيمن وهبة
Afw
ليست هناك تعليقات:
إرسال تعليق